Самарқандликларга озор етказадиган, асабини бузадиган бундан бошқа корхона қайда бор? “Мароқанд обод” деб аталган корхона билан шартнома тузганмиз. Ҳафтасида 2 (ИККИ!) марта келиб, чиқиндиларни олиб кетишиши керак. Аммо бир мартасини ҳам эплай олмаяпти.
Аҳоли тўловини қилса, маҳалла ходимлари инспекторга ёрдам берса – яна нима қилиш керак? Биз ҳар йили тўлов мажбуриятини ортиғи билан бажарамиз. Нега қонун бир томонлама ишлаши керак? Нега тўлов қилмаганларни жазолаш йўлини қидиришади-ю, ўзларига қолганда мажбуриятни бажармайди? Битта дарвозага тўп уриш эмасми бу?
Кеча, 11 мартда куни билан идора бошлиғи, бош инженери ва диспетчерига қўнғироқ қилдим. Ҳеч қайсиси жавоб бермади. Телеграм каналига ёздим. Натижа йўқ. Нима қилиш керак?
(Тасвир эрталаб туширилди)
Тошпулат Рахматуллаев
